Загрепскиот градоначалник Милан Бандиќ, кој по многу нешта ќе остане запаметен во Загреб, Хрватска и пошироко, македонската заедница во Загреб ќе го помни по добри дела.
Во бројните телеграми со изрази на сочувство до семејството и соработниците, беше и упатената од Заедницата на Македонците во Република Хрватска:
„Како што беше неуморен во својот 21-годишен мандат во водењето на Загреб, така беше неуморен и во давањето поддршка на националните малцинства во РХ. Беше вистински и искрен пријател на македонското национално малцинство во РХ, голем добротвор и поддржувач на нашите активности и програми, на што сме му бескрајно благодарни. Со неговото прерано заминување останува ненадминлива загуба за сите нас кои ја почитуваме и цениме неговата работа“, е наведено меѓу другото, во телеграмата од Заедницата на Македонците во РХ.
Повеќе за тоа прочитајте во “Македонски глас” бр. 129.
