Костадинка Велковска, позната меѓу своите Македонци во Хрватска како Коста, по тешката здравствена состојба, почина на 10 март 2024 година, во 76. година од животот.
Како хрватска театарска актерка и шансониерка остави неизбришлив белег на хрватската актерска сцена, со својата талентирана игра и посветеност на уметноста. Нејзината неверојатна интерпретација на различните ликови од класични, до современи, ги освојуваше срцата на публиката.
Костадинка не беше само сјајна актерка на сцената, туку вон неа, беше топла и скромна личност.
Освен во театарот, таа се истакнуваше и во филмски и телевизиски проекти, а нејзината присутност на екранот носеше посебен сјај.
Костадинка секогаш беше горда на своите македонски корени и никогаш не го заборави своето потекло, туку секогаш ја негуваше својата врска со македонската заедница.
Нејзината приврзаност и поддршка кон Македонија и македонската култура беа видливи и низ нејзиното учество во културните настани, хуманитарни акции и промоција на македонската култура и уметност. Нејзиното присуство и ангажман во Заедницата на Македонците во Република Хрватска беа инспирација за многумина кои ја зацврстија врската меѓу неа и нејзините сонародници.
Нејзиното срце секогаш чукаше за Македонија, а со својот пример покажа на важноста за зачувување на идентитетот и културното наследство. Низ својата работа и ангажман, остави траен белег не само во Хрватска, туку и меѓу Македонците ширум светот.
Нека нејзината љубов кон Македонија и нејзината преданост на глумата служат како пример на сите да ги ценат своите корени и да придонесуваат на заедницата на начин кој ќе остави позитивно и трајно внимание.
Костадинка Велковска ќе остане во срцата на своите Македонци како вистинска амбасадорка на македонската култура и горда претставничка на својата земја.
Нејзиниот пример да поттикнува активизам и грижа за другите, покажуваше дека уметниците имаат силно влијание. Исто така, промовираше позитивни промени во општеството.
Костадинка ќе остане запамтена како актерска икона која живееше за уметноста и својата земја, оставајќи зад себе наследство со кое се гордеат нејзините Македонци и театарскиот свет.
Искрено сочувство до семејството.
Драга Коста, почивај во мир!
Заедница на Македонците во Република Хрватска
