Македонското културно друштво на Истарската жупанија „Св. Кирил и Методиј“ од Пула „Деновите на глаголицата“ ги затвори со излет низ Истра на 16 ноември 2019 година. Главниот дел од манифестацијата се одржа во ресторанот „Крцули“ во Жмињ како Поетско музичка етно вечер, каде што за патот на глаголашите и глаголското писмо зборуваше Драго Драгузет, додека авторска поезија рецитираше Милена Златеска. На манифестацијата со свој настап учествуваа и мешовитиот пејачки хор и оркестар на МКД „Св. Кирил и Методиј“, како и поетеси и поети од Истарската жупанија, а гости на вечерта беа членови на руското национално малцинство и фолклорниот ансамбл „Водњан“ од Водњан.
Повеќе за тоа прочитајте во “Македонски глас” бр. 122.
